不做病房護士

話說正式係新加坡做野後生活忙得不可開交我完全忘記左呢個blog既存在 直至尋日收到個讀者既email先醒起, thank you😉

既然仲有人睇, 我就好快咁概括我呢年幾兩年既新加坡生活啦。相信大家比較有興趣都係工作，就等我講一講我既工作.

黎新加坡咁耐公司都無幫我申請護士牌, 所以我只可以做Patient education, administrative work, 完全唔可以做clinical既野 不過其實黎新加坡前我已經跳左出去NGO做 再唔係前線護士 所以我係ok既. 但如果你係enjoy做前線 其實香港護士係好難可以黎到新加坡做護士 因為你無agent幫你搭路幫你申請 而你自己send CV去醫院係無人會show你的

開頭以為自己master畢業會比較易揾工, 但我send左差唔多100份CV出去先有一個reply, 最後好好彩有interview係因為我個email咁岩俾公司個CEO睇到, 所以佢叫我去新加坡interview, 又好好彩地請左我. 就咁我開始左我係新加坡既工作生涯

我係呢間公司做左一年零九個月, 係一間賣癌症病人專用產品既公司, 佢地需要護士同病人做fitting, education and counselling. 我由最低既Executive做起, 一年後升左做Assistant Manager, 今年三月再升左做Manager. 依家睇緊新加坡同幫佢地開發緊香港市場所以都成日返香港做野. 除左錢, 其實各樣野都唔錯 呢度啲人簡單啲nice啲返工自由啲開心啲 如果你係追求簡單啲穩定啲無乜壓力既生活 新加坡可能岩你 對我同我男朋友黎講 呢度有啲慢 人亦比較死板 所以我地係鐘意香港多啲

所以呢 其實我地依家plan緊返去lu哈哈 我同佢既下一份工都已經有眉目, 第confirm左而我又得閒再同大家share啦!